Njerëzimi duhet të mësohet me koronavirusin dhe realitetin e ri të shkaktuar prej tij. Organizata Botërore e Shëndetësisë lëshoi alarmin se realiteti siç e njihnim para pandemisë mund të mos mbërrijë deri në gjetjen e një kure.
Kreu i përgjithshëm i OBSh-së, Tedros Adhanom Ghebreyesus paralajmëroi se virusi mund të qëndrojë mes nesh për një kohë “shumë, shumë të gjatë”.
Gjatë një konference të shkurtër për mediat ditën e mërkurë, Adhanom tha se shumë vende janë ende në fazat fillestare të pandemisë.
“Pjesa më e maadhe e vendeve janë ende në fazën fillestare të pandemisë, ndërkohë që ato që u prekën fort që në fillim të përhapjes së virusit kanë raportuar së fundmi shtim të rasteve të reja të të infektuarve”, deklaroi ai.
Në rang global, numri i të infektuarve ka tejkaluar shifrën e 2.6 milionë personave, duke u rritur me më shumë se gjysmë milion të prekur vetëm brenda një jave. Ndërkohë, numri i viktimave ka tejkaluar 180 mijë persona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
