Dy shqiptarë, të dyshuar si trafikantë droge, janë kapur në afërsi të Janinës.
Mediat greke thonë se të rinjtë nga Shqipëria, përkatësisht 30 dhe 28 vjeç janë konstatuar në kryqëzimin e Kallpaqit, duke udhëtuar me një motor pa targa që e kishin marrë në kufirin Greqi-Shqipëri.
Shqiptarët nuk i janë bindur urdhrit të efektivëve për të ndaluar. Policia helene është vënë në ndjekje të dy të dyshuarve.
U desh që shqiptarët të aksidentohen gjatë ndjekjes dhe më pas të arrestohen. Sasia e lëndës narkotike po pritej nga një makinë, e cila sapo ka parë makinat e policisë, është larguar menjëherë.
Policia greke ka arritur të sekuestrojë 6 kg lëndë narkotike, 1 pistoletë dhe 2 mijë euro.
Edhe një bashkëpunëtor i dy shqiptarëve është ndaluar në Janinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
