Një 39-vjeçar ka rënë në pranga në Tiranë i akuzuar për shitjen e lëndëve narkotike. I arrestuari, me iniciale Gj.Gj., nga Durrësi, person me precedent të mëparshëm penal dhe i dënuar për vrasje me dashje dhe armëmbajtje pa leje, siguronte lëndën narkotike kokainë në Durrës dhe më pas e shiste në Tiranë.
Ai merrte 200-250 gramë kokainë dhe më pas e ndante në porcione 10-100 gramë duke i shitur me shumicë në zonën e “Bulevardit të Ri”, në ish-Stacionin e Trenit dhe në zonën e “Zogut të Zi“, në qytetin e Tiranës.
Po ashtu ai shiste kokainën edhe në Durrës dhe Shijak kundrejt vlerës 80 mijë lekë të vjetra për gram. Klientët që blinin lëndën narkotike i priste në stacione autobusësh, për të mos rënë në sy. 39-vjeçari e kryente këtë aktivitet kriminal dy herë në javë.
Në vijim të operacionit, u sekuestruan në cilësinë e provës materiale 400 gramë kokainë, një sasi dozash me kokainë, 1 aparat celular dhe 1 automjet me të cilin lëvizte ky shtetas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
