Gazeta Si – Në kuadër të megaoperacionit policor antidrogë të koduar “Tempulli”, 2 të rinj janë arrestuar pasi kishin përgatitur doza kanabisi me qëllim shitjen e tyre në afërsi të një gjimnazi në Fier.
Policia tha se në pranga ranë 18-vjeçari me iniciale J.H., dhe një 15-vjeçar, që të dy banues në Fier.
Në vijim të veprimeve procedurale për këtë rast, gjatë kontrollit në banesat e të rinjve, Policia gjeti dhe sekuestroi 3 qese kanabis në formë boçeje me peshë 830 gramë.
Ata kishin përgatitur dhe ndarë lëndën narkotike, në doza, me qëllim shitjen e saj, në afërsi të shkollave. Qeset me kanabis dhe dozat u sekuestruan në cilësinë e provës materiale.
Nga verifikimet, rezultoi se 15-vjeçari është përdorur më parë për të kryer këtë veprimtari kriminale, nga 26-vjeçari me inciale E. M., banues në Fier, i arrestuar më datë 19.08.2023, për veprat penale “Prodhimi dhe shitja e narkotikëve” dhe “Largimi i të burgosurit nga vendi i qëndrimit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
