Policia italiane ka arrestuar një 24-vjeçar shqiptar, i cili tentoi që nëpërmjet një karte identiteti polake të shkonte në Londër.
Mediat fqinje bëjnë me dije se shqiptari u kap në aeroportin Tessera ku në kontrollin e pasaportave tregoi një dokument identifikimi të rremë, por e vlefshme për të emigruar.
Kontrolli i dokumentacionit zbuloi se dokumenti i identifikimit ishte falsifikuar në mënyrë perfekte.
Megjithatë, përpjekja e pasagjerit për t’iu shmangur kontrollit ka dështuar, pasi agjenti i verifikimit vuri re se kishte një ndryshim të padukshëm midis dokumentit të treguar dhe atij origjinal.
Nga frika se mos e zbulonin, shqiptari nxori menjëherë një leje drejtimi polake për të bindur oficerin për vërtetësinë e kartës së identitetit.
Por pas verifikimeve rezultoi se karta e identitetit ishte e falsifikuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
