.png)
Caktimi i Sllavko Vinçiç për të gjykuar ndeshjen Belgjikë-Itali në Mynih tingëllon pak i çuditshëm për italianët, të cilët kanë ngritur dyshime. Jo për problemet me drejtësinë që ka pasur në Bosnjë Hercegovinë, nga ku doli i pastër një vit më parë. As për rastësinë e çuditshme të një arbitri të lindur në Maribor, bashkombas me presidentin e UEFA-s, Aleksander Ceferin. Ndoshta ka lidhje Super Liga sërish, lufta për pushtetin dhe hakmarrja e tërthortë.
Dyshimet lindin më shumë nga numri i ndeshjeve që i janë besuar në këtë Europian sllovenit. Një Spanjë-Suedi modeste dhe një Zvicër-Turqi, ku pati një episod me Granit Xhakën. Duket pak për të gjykuar një çerekfinale të një niveli kaq të lartë. Çerekfinalja tjetër mes Zvicrës dhe Spanjës i është besuar anglezit Oliver, edhe ai me 2 ndeshje deri tani. Ka një lloj rreziku në letër, që mbetet për t’u parë.
Në 2020-ën Vinçiç ka qenë protagonist pa dashje në një ngjarje policore. Gjatë një udhëtimi pune ai ishte i ftuar në një festë në Suho Polje, një vend i vogël pranë Bjeljinës në Bosnjë. Në atë festë policia arrestoi 35 persona me akuzën e shpërndarjes së lëndëve narkotike, trafik armësh dhe prostitucion. Mes tyre edhe Vinçiç, i cili në kommisariat shpjegoi se nuk kishte fare lidhje me të tjerët, se ishte për punë në atë vend dhe do të kthehej në shtëpi.
“Ishte gabimi më i madh i jetës”, - ka thënë më pas arbitri slloven, duke shpjeguar pjesëmarren në atë festë. Ai doli i pastër, nuk ka asnjë akuzë që rëndon mbi të, por lajmi ka mbetur dhe rishfaqet sa herë që emri i tij përmendet. Dhe në Itali shpresojnë shumë që ky rast të jetë i izoluar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
