Gazeta Si – Një 22-vjeçar është arrestuar këtë të martë në Malësinë e Madhe nën akuzë për armëmbajtje pa leje.
Policia njofton se pas dyshimeve se i riu lëvizte me armë me vete, e ka ndjekur teksa udhëtonte me motor.
Pasi ka parë efektivët, shtetasi me iniciale A.Rr., ka lënë mjetin në rrugën Gruemirë-Linaj dhe është larguar drejt një zonë në pyllëzuar në fshatin Kerraj.
Pas kapjes dhe ndalimit të shtetasit A. Rr., shërbimet e Policisë, gjatë kontrollit, në afërsi të vendit ku ai ishte fshehur, kanë gjetur një armë zjarri pistoletë, një armë zjarri automatik dhe disa fishekë, të cilët u sekuestruan në cilësinë e provës materiale, së bashku me motomjetin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
