Gazeta Si – Dy persona janë arrestuar në Fier, në kuadër të megaoperacionit policor të koduar “Sundimi i ligjit”. Policia thotë se në aksin rrugor Pojan-Dërmenas, ndaloi për kontroll automjetin ku udhëtoni të dy këta persona.
Gjatë kontrollit, në mjet u gjetën 1 armë zjarri pistoletë, 170 fishekë të kalibrave të ndryshëm dhe dhjetëra doza kanabis gati për shitje.
Në cilësinë e provës materiale, u sekuestruan arma e zjarrit pistoletë, 170 fishekët e kalibrave të ndryshëm, dozat e kanabisit, 2 celularë dhe automjeti.
“Si rezultat i administrimit të informacioneve të inteligjencës policore, të siguruara në kuadër të megaoperacionit “Sundimi i ligjit”, se 2 shtetas lëviznin të armatosur dhe me doza cannabisi me vete, të gatshme për shitje, Komisariati i Policisë Fier, në aksin rrugor “Pojan-Dërmenas”, ndaloi për kontroll, automjetin që drejtonte shtetasi P. F. alias P. Xh. dhe ku ishte pasagjer E. H.,”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
