.png)
Gazeta Si - Tre persona janë arrestuar gjatë aksionit të koduar “Sateliti” në Gjirokastër pas një hetimi disa mujor, ku u sekuestrua një sasi lënde narkotike 70 kg.
Në pranga ranë 37-vjeçarja me iniciale M.Ç., dhe S.Rr., 39 vjeç, të dy banues në Gjirokastër, si dhe F.T., 37 vjeç banues në Tiranë, person me precedent të mëparshëm penal në fushën e lëndëve narkotike.
Policia thotë se M.Ç. dhe S.Rr. u kapën duke udhëtuar së bashku me një makinë Volvo në aksin Ersekë-Tre Urat në Përmet.
Gjatë kontrollit në këtë automjet, policia gjeti të fshehura në vende të përshtatura, 87 pako të mbushura lëndë të dyshuar narkotike kanabis, me peshë totale 70 kg.
Ndërsa përpara tyre udhëtonte me makinë tjetër 37-vjeçari F.T., i cili kontrollonte rrugën nëse kishte polici me qëllim që të sinjalizonte dy transportuesit e drogës. Edhe ky person u arrestua.
Specialistët për Hetimin e Narkotikëve, nën drejtimin e Prokurorisë, vijojnë punën për identifikimin dhe kapjen e personave të tjerë të përfshirë në këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
