.png)
Gjykata e Shkallës së Parë në Durrës ka lënë në burg pronarin dhe shoferin e kamionit që u kapën mbrëmjen e së dielës në portin e Durrësit me 45 kg heroinë. Pronari Arjan Çerma dhe shoferi Olgert Duda u lanë në qeli pa afat.
Ata u arrestuan në fillim të kësaj jave, pasi në kamionin me krom në pronësi të Çermës, në Portin e Durrësit, u zbuluan 45 kilogramë heroinë.
Kamioni, që kishte destinacion Italinë, drejtohej nga Duda. Heroina ishte e fshehur në kabinën e kamionit e ndarë në 43 pako të mbështjella me natriban, një pjesë e të cilave me mbishkrimin “Banane”, ndërsa të tjerat me disa simbole të ndryshme, çka ngre dyshime se ajo kishte disa porositës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
