Një 53-vjeçar është arrestuar pasi ka tentuar që të fusë nëpërmjet portit të Durrësit 44 mijë euro të padeklaruara si edhe mallra kontrabandë. Në pranga ka rënë Nuri Alushi, i cili po drejtonte furgonin e linjës Vlorë-Itali.
Referuar njoftimit zyrtar të Policisë së Shtetit, gjatë kontrollit të ushtruar në furgon, në pjesën e tapicerisë, u gjetën të fshehura 44 mijë euro, sasi e konsiderueshme pesticidesh, ilaçe dhe pije, të cilat 53-vjeçari tentoi t’i kalonte pa i deklaruar.
Për këtë arsye, ai u arrestua dhe ndaj tij rëndon akuza për veprën penale “Mosdeklarimi në kufi i të hollave dhe i sendeve me vlerë”, “Kontrabanda me mallra që paguhet akcizë” dhe “Kontrabanda me mallra të licencuar”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
