.png)
Gazeta Si - Një 36-vjeçar ka rënë në pranga dhe një tjetër është proceduar në gjendje të lirë në pikën kufitare në Muriqan, duke shënuar rastin e dytë brenda 3 ditësh, pasi një 51-vjeçar u ndalua nga policia kur tentoi të fuste 680.595 euro.
Përmes një njoftimi, policia bën të ditur se në automjetin e tyre tip ‘Mercedes Benz’, në dy hapësira të modifikuara (në pjesën e tavanit dhe të bagazhit të automjetit), u gjetën 331.000 euro, që këta shtetas po tentonin t’i futnin ilegalisht në Shqipëri.
Sipas burimeve, bëhet me dije se shtetasi i arrestuar është Fadil Halmusaj. Shuma e parave u sekuestrua në cilësinë e provës materiale, bashkë me automjetin dhe 2 celularë.
Vijojnë hetimet për të provuar burimin e parave, ndërkohë materialet proceduriale i kaluan Prokurorisë për veprime të mëtejshme.
Tre ditë më parë, po në Muriqan, një 51-vjeçar u arrestua, pasi tentoi të fuste në Shqipëri përmes doganës së Muriqanit 680.595 euro, të cilat u sekuestruan nga policia.
Paratë e padeklaruara ishin fshehur në dy ndarje anësore të modifikuara në dyert e një furgoni që drejtohej nga 51-vjeçari L.N. nga Fushë-Miloti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
