Gazeta Si – Një 37-vjeçar shqiptar është arrestuar në Verona të Italisë, pasi është kapur me 220 kilogramë kokainë në furgonin që po drejtonte.
Mediat italiane raportojnë se i riu po i jepte furgonit me shpejtësi të lartë, gjë që u pikas menjëherë nga forcat policore.
Targa e automjetit kishte një kallëzim të mëparshëm, gjë që tregon se mjeti ishte përdorur dhe herë të tjera për transportim droge.
Pas kontrollit, u zbulua kokaina, e cila rezultonte e pastër dhe sipas hetuesve do të shitej me një çmim shumë të lartë në treg, deri në 15 milionë euro.
37-vjeçari i akuzuar për trafik droge dhe i konsideruar si “korrieri” i një grupi kriminal në Itali, është dërguar në burgun e Montorios, ku pritet të dalë para trupës gjyqësore në vijim.
Sekuestrimi i djeshëm është një nga më të mëdhenjtë e kryer nga Policia e Veronës.
Po ashtu, nuk përjashtohet mundësia që droga të ishte destinuar për një treg më të gjerë se shteti italian, duke marrë parasysh sasinë e madhe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
