Me 13.100 euro të padeklaruara në kufi, ndalohet i riu që vinte nga Athina

09:32 - 02 Shkurt 2023

Gazeta Si - Një 27-vjeçar është proceduar penalisht, pasi u kap duke hyrë në kufirin shqiptar me mbi 13 mijë euro të padeklaruara.

Gjatë kontrollit të ushtruar në autobusin e linjës Athinë-Tiranë, në sediljen e drejtuesit, shtetasit F.A., u gjetën 13.100 euro, të cilat u sekuestruan në cilësinë e provës materiale.

27-vjeçari nuk e kishte deklaruar këtë shumë parash, sipas përcaktimeve ligjore në fuqi. Në përfundim të veprimeve hetimore, nisi procedimi penal në gjendje të lirë për shtetasin të riun, banues në Tiranë.

Ai akuzohet për veprat penale "Mosdeklarimi në kufi i të hollave dhe i sendeve me vlerë" dhe "Pastrimi i produkteve të veprës penale ose veprimtarisë kriminale".

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.