.png)
Gazeta Si – Të paktën 41 emigrantë humbën jetën, pasi një varkë e vogël, e cila u nis nga Sfax në Tunizi, u përmbys në Lampeduza dhe u mbyt ndërsa lundronte në ngushticën e Siçilisë.
Për të rrëfyer tragjedinë e radhës në det, janë katër persona të mbijetuar, tre burra dhe një grua, të shpëtuar nga mjeti lundrues Rimona, i cili mëngjesin e sotëm i ka transferuar në varkën patrulluese CP327 të Rojës Bregdetare.
Të 4 të mbijetuarit, me origjinë nga Bregu i Fildishtë dhe Guinea Konakry, zbarkuan në Lampeduza.
Ata u thanë ushtarëve të rojës bregdetare, se 45 prej tyre u larguan nga Sfax, duke përfshirë 3 fëmijë, në orën 10:00 të së enjtes.
Pas rreth 6 orësh lundrim, varka metalike prej 7 metrash u përmbys për shkak të një dallge të madhe.
Të gjithë emigrantët, sipas të mbijetuarve, kanë përfunduar në det. Vetëm 15 kishin jelek shpëtimi, por gjithsesi u mbytën. Të vdekurit, sipas dëshmive të tre burrave dhe gruas në gjendje shoku, janë 41, mes tyre 3 fëmijë.
As anija me flamur maltez, transportuesi me shumicë “Rimona” që i shpëtoi, as varkat e patrullës së Rojës Bregdetare nuk panë asnjë trup.
Dhe kjo, pasi të katërt u shpëtuan të martën, disa ditë pas mbytjes së anijes dhe në një distancë nga vendi ku ndodhi tragjedia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
