.png)
Një draft me ndryshime në ligjin “Përmediat audiovizive në Republikën e Shqipërisë” i nxjerrë për konsultim ka nëfokus përfshirjen e portaleve në kuadrin ligjor dhe rregullimin e mënyrës sesifunksionojnë këto të fundit. Duke përfshirë në ligj termin OSHPM, që do tëthotë “Ofruesi i Shërbimit të Publikimeve Elektronike” përcaktohet qartë se kush do të futet në këtë kategori.
“Ofruesi i shërbimit të publikimeve elektronike ”është personi fizik ose juridik, i regjistruar në regjistrin e ofruesve të publikimeve elektronike, që ofron shërbime të publikimit elektronik” thuhet në draftligj.
Në draft propozohet edhe ngritja e një mekanizmi mbi mënyrën sesi do të veprohet për ankesat e palëve të treta të prekura drejtpërdrejt nga një pasqyrim informacioni në këto publikime elektronike.
Palës së tretë i lind e drejta të ankohet fillimisht pranë operatorit dhe të marrë përgjigje brenda 24 orësh. Nëse kjo nuk ndodh është Këshilli i Ankesave pranë Autoritetit të Mediave Audiovizive (AMA) do të japë zgjidhje.
Në një nen specific AMA ka përcaktuar edhe rastet e pezullimit të aktivitetit.
“Për shkelje të kryera nga ofruesit e shërbimeve të publikimeve elektronike, AMA kërkon nga Autoriteti i Komunikimit Elektronik dhe Postar (AKEP) marrjen e këtyre masave plotësuese:
a) Pezullim/bllokim të aksesit ne internet, për një afat 24 orë, nëse brenda një viti kalendarik ka kryer 3 (tre) kundërvajtje administrative të parashikuara nga ky ligj. Pezullim/bllokim të aksesit në internet për një afat 7 (shtatë)-ditor, nëse brenda një viti kalendarik ka kryer jo më pak se katër kundërvajtje administrative dhe pezullim/bllokim të aksesit në internet për një afat njëvjeçar, nëse brenda një viti kalendarik ka kryer jo më pak se 5 (pesë) kundërvajtje administrative të parashikuara nga ky ligj” thuhet në draft. Në këtë rast AMA i referohet atyre ofruesve që janë të regjistruar në AKEP.
Në projekt ligj thuhet se në rastet kur portalet nuk respektojnë parimet që sanksionon neni 33 pika 1 e ligjit që lidhen me vërtetësinë paanëshmërinë objektivitetin, moscënimi it ë drejtave dhe dinjitetit dhe një seri kushtesh të tjera AMA vendos për gjoba nga 100 mijë lekë deri në 1 milionë lekë.
Kur nga portalet nuk është respektuar kërkesa në nenin 53 pika 1 që sanksionon se mbron dinjitetin dhe reputacionin e çdo personi që mund të jetë prekur nga publikimi i fakteve dhe informacioneve jo të sakta në një transmetim, draftligji parashikon që gjoba të jetë 800 mijë lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
