.png)
Nga Gazeta ‘Si’- “Prishtina dhe kryeministri i institucioneve të përkohshme të Prishtinës, Albin Kurti, zgjodhi rrugën e dhunës dhe lëvizjeve të njëanshme”.
Kështu deklaroi drejtori i Zyrës për Kosovën në Serbi Petar Petkoviç pas mbylljes së institucioneve dhe komunave paralele nga qeveria e Kosovës në dhjetë komuna.
Në një postim në X, ai shkruan se “mbyllja e dhunshme e një numri të madh të komunave tona, qendrave për punë sociale, postave është tregues i qartë pse Besnik Bislimi nuk është paraqitur sot në Bruksel”.
(Sot në Bruksel po mbahet takimi i parë i Komisionit të përbashkët të Kosovës dhe Serbisë për të pagjeturit pas dakordësisë së arritur më herët. Në takim, delegacioni i Kosovës udhëhiqet nga Halil Cenaj).
“Në Bruksel më erdhi lajmi për sulmin e madh të Kurtit ndaj institucioneve serbe. Kam ardhur me delegacionin e Beogradit me qëllim që sot të zgjidhim çështjen e personave të zhdukur, ndërsa Kurti dhe Prishtina zgjodhën rrugën e dhunës dhe të njëanshme. Ky lloj terrori e vë në pikëpyetje vetë dialogun. Është e qartë se Kurti nuk është i vetmi fajtor për këtë!”, ka shkruar Petkoviç.// Tanjug
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
