Policia e Kosovës bëri të ditur se është mbyllur përkohësisht Aeroporti Ndërkombëtar i Prishtinës “Adem Jashari”, pasi mëngjesin e 28 dhjetorit ka pranuar informacione për kërcënim me mjete shpërthyese.
Policia tha se mbyllja e aeroportit u bë për shkaqe sigurie.
Ndërkaq , zyrtarja e Aeroportit, Valentina Gara, njoftoi përmes Facebook-ut, se pas pranimit për kërcënim me bombë, udhëtarët dhe personeli i aeroportit “janë evakuuar dhe janë të sigurt”.
“Ekipet e përfshira në planin emergjent janë duke kryer detyrat e tyre”, shkroi ajo.
Autoritetet e rendit thanë se njësitet policore kanë nisur hetimet dhe do të njoftojnë qytetarët deri në rihapjen për qarkullim të aeroportit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
