.png)
Mbretëresha Elisabet II ka dashur t’i dërgojë një mesazh personalisht trajnerit të Anglisë, Gereth Southgejt, në prag të finales së Euro 2020 ndaj Italisë. Në këtë mesazh shumë special për trajnerin anglez, ajo shkruan:
"55 vite më parë kisha fatin t’i dorëzoja trofeun e Kupës së Botës Bobi Murit dhe pashë se çfarë do të thotë për futbollistët, trajnerët dhe stafin të arrish dhe ta fitosh finalen e një turneu të madh ndërkombëtar.
Dua t’ju përcjell përgëzimet e mia dhe të familjes sime të gjithëve jua që arritët në finalen e kampionatit europian. Dua t’ju uroj gjithashtu sa më shumë fat nesër, me shpresën që historia të kujtojë suksesin tuaj, por edhe shpirtin, impenjimin dhe krenaritë që keni vënë në fushë".
Nesër në mbrëmje do të shihet, nëse letra e Mbretëreshës Elisabet do t’u sjellë fat apo jo “Tre Luanëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
