.png)
Nga Gazeta ‘Si’- Deputetët rikthehen sot në orën 17:00 në Kuvend, në sesionin e fundit për këtë legjislaturë. Deputetët do të rikthehen në Parlament ndërkohë që Presidenti Bajram Begaj do t’iu drejtohet me një mesazh.
Në seancën e sotme e cila do jetë ceremoniale nuk parashikohet të miratohen ligje apo marrëveshje. Gjatë kësaj mbledhje pritet të flasin vetëm Kryetarja e Kuvendit dhe krerët e grupeve parlamentare.
Por seanca e ardhshme parlamentare pritet të ketë debate mes mazhorancës dhe opozitës, pasi në rend dite është caktuar diskutimi për të dërguar ose jo mandatin e deputetit të Partisë Socialiste Vullnet Sinaj për shqyrtim në Gjykatën Kushtetuese.
Ky është sesioni i fundit për këtë legjislaturë, pasi më 11 maj shqiptarët do t’u drejtohen kutive të votimit për të zgjedhur 140 përfaqësuesit për 4 vitet e ardhshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
