.png)
Nga Gazeta ‘Si’- Grupi parlamentar i Partisë Socialiste mblidhet sot, më 3 nëntor, për një seancë rutinë, ku pritet të diskutohen disa çështje të rëndësishme.
Një nga temat kryesore është përzgjedhja e Avokatit të ri të Popullit, ku sot përmbyllet afati i aplikimeve. Deri më tani janë dorëzuar katër kandidatura: Genta Bungo, Saimir Visha, Shkëlqim Sulo dhe Ismail Tafani. Pas përfundimit të afatit të aplikimeve, Komisioni i Ligjeve do të nisë procesin e seancave dëgjimore për kandidatët.
Kujtojmë se, zakonisht, kandidatura e Avokatit të Popullit është përzgjedhur me dakordësi mes Partisë Socialiste dhe Partisë Demokratike. Megjithatë, gjatë tre viteve të fundit nuk është arritur një marrëveshje, duke çuar në vazhdimin e mandatit të Avokates Aktuale të Popullit, Erinda Ballanca.
Në mbledhje pritet të diskutohet edhe për Reforma Zgjedhore dhe ajo Territoriale. Mësohet se deri në përfundim të seancës, do të bëhet e ditur edhe lista e plotë e çështjeve që do të trajtohen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
