Nga Gazeta ‘Si’– Partia Socialiste ka mbledhur grupin parlamentar.
Mbledhja e cila vjen pak orë pas arrestimit të kryebashkiakut të Tiranës Erion Veliaj po drejtohet nga kreu i Grupit Parlamentar socialist Niko Peleshi.
Deputetët e PS nuk kanë komentuar arrestimin e kryetarit të bashkisë së Tiranës, Erion Veliaj. Të thirrur në mbledhjen e grupit të PS-së, në kryesinë e Kuvendit, pasditen e sotme, deputetët janë treguar të rezervuar për të komentuar.
“Nuk kam komentuar vendimet e drejtësisë, por Erion Veliaj ka qenë e do të mbetet mik i mirë i imi” tha Toni Gogu.
“PS nuk ndërhyn në punët e drejtësisë dhe nuk komenton ato” tha Lavdërim Krashi.
Ende nuk ka një reagim ende zyrtar nga PS për arrestimin e Veliajt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
