.png)
Nj sasi prej 44,460 doza të vaksinës "Pfizer" kanë mbërritur në aeroportin “Nënë Tereza” në Tiranë, duke e çuar në 1,845,660 numrin e vaksinave të mbërritura në Shqipëri.
Lajmi është njoftuar nga kryeministri Edi Rama, i cili bën edhe një apel për qytetarët që të shfrytëzojnë muajin gusht, si muajin e hapur të vaksinimit masiv.
Gushti është muaj i hapur i vaksinimit për të gjithë qytetarët +18 vjeç, për të kryer vaksinën kudo në qendrat shëndetësore apo në pikat e vaksinimit të përqendruar, ku secili mund të paraqitet me kartën e identitetit.
Për të pamundurit, njësitë e lëvizshme të vaksinimit do të jenë kudo në territor për t'iu dhënë mundësinë e kryerjes së vaksinimit ndaj COVID-19 të gjithë qytetarëve.
Deri më tani në Shqipëri janë kryer më rreth 1 milion e 290 mijë vaksinime, ndërsa 562,418 qytetarë i kanë kryer të dyja dozat.
Rastet me koronavirus kanë pësuar një rritje të ndjeshme, ku në 24 orët e fundit janë regjistruar dy viktima dhe 200 persona të infektuar në të gjithë vendin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
