Gazeta Si – Një 55-vjeçar është proceduar penalisht, pasi në mjetin e tij në portin e Durrësit janë sekuestruar 16.500 euro të padeklaruara.
Sipas policisë, në hyrje është kaluar në vijën e dytë për kontroll të imtësishëm një mjet tip autobus që vinte nga Italia, me drejtues shtetasin Sh.V., 55 vjeç banues në Elbasan.
Gjatë kontrollit të ushtruar në mjet, në ventilatorët e kondicionerëve u konstatuan të fshehura 16.500 euro, shumë e cila u sekuestrua në cilësinë e provës materiale.
Në përfundim të veprimeve u procedua penalisht për veprën penale “Mosdeklarimi në kufi i të hollave dhe i sendeve me vlerë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
