.png)
Pas zjarrit të rënë pasditen e së shtunës në ish-depot e Trikotazhit në Korçë, asgjësohen mbetjet toksike.
Një grup nga kompania e Mbrojtjes nga Armët e Dëmtimit në Masë të Forcës Tokësore kanë larguar mbetjet që kishin shkaktuar reaksionin kimik.
Mbetjet toksike që vunë në rrezik jetën e banorëve pas largimit janë groposur dhe tashmë banorët e zonës kanë nisur sërish jetën normalisht.
Këto mbetje prej shumë vitesh ishin lënë në mëshirë të fatit në ish-fabrikën e trikotazhit në qytetin e Korçës.
Pasditen e djeshme ish-fabrika e trikotazhit u përfshi nga një zjarr masiv dhe u dogjën disa mbetje toksike duke çliruar gazra të dëmshëm në ajër dhe jeta e qytetarëve u vu në rrezik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
