.png)
Gazeta Si - Skuadra shqiptare e kërkim-shpëtimit dhe e ndihmës shëndetësore, ka mbërritur mesditën e kësaj të marte në Turqi, pas tërmetit tragjik që goditi vendin në pjesën jugore dhe veriun e Sirisë. Lajmi u bë i ditur nga kryeministri Edi Rama, i cili publokoi he foto disa minuta pas zbritjes.
“Mbërriti në Turqi skuadra e kërkim-shpëtimit dhe e ndihmës shëndetësore e dërguar nga shteti shqiptar”, shkruajti Rama në rrjetet sociale.
Skuadra përbëhet nga një mision ndihme nga Forcat e Armatosura të Shqipërisë dhe Agjencia Kombëtare e Mbrojtjes Civile, në përbërje të të cilit janë 53 personel mjekësor, specialistë të kërkim-shpëtimit, si dhe 7 mjete.
Grupi shqiptar i bashkohet kështu ndihmës ndërkombëtare për Turqinë, pas tërmetit shkatërrues të mëngjesit të së hënës, që deri më tani i ka marrë jetën mijëra personave.
Turqia ka qenë një ndër vendet që ka përkrahur më shumë Shqipërinë kur u godit nga tërmeti i 26 nëntorit, 51 viktima. Turqia financoi ndërtimin e një lagjeje në Laç, ku me financimin e qeverisë turke u rindërtuan 522 banesa të reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
