Gazeta Si – Një 38-vjeçar është arrestuar, pasi lëvizte me armë zjarri në makinë në bulevardin “Migjeni” në Tiranë.
Policia thotë se në pranga ka rënë A.P., banues në Tiranë, i akuzuar për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit në automjetin që po drejtonte ky shtetas, në bulevardin “Migjeni”, policia gjeti dhe sekuestroi në cilësinë e provës materiale 2 armë zjarri pistoleta, 2 krehra dhe municion luftarak.
Shërbimet e Forcës së Posaçme “Shqiponja”, në bashkëpunim me Komisariatin e Policisë Nr. 6, finalizuan operacionin e koduar Bulevardi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
