.png)
Legjenda gjermane e futbollit, Lotar Mateus, ka komentuar dramën që po përjeton Anglia pas humbjes me penallti në finalen e Euro 2020, të luajtur në shtëpinë e vet, në “Wembley”. Ish-mesfushori, gjithmonë pa diplomaci në deklaratat e tij, thekson se anglezët e meritojnë këtë dramë, duke treguar edhe arsyet pse.
Për “Bild”, Mateus kujton së pari episodin më tifozen e vogël gjermane gjatë ndeshjes Angli-Gjermani, kur rezultati ishte 2-0 në favor të “Tre Luanëve” dhe ajo po qante. “Tifozët anglezë ishin armiqësorë me vajzën e vogël me fanellën e Gjermanisë. Ishte diçka e shëmtuar”, - është shprehur Mateus. Më pas ai tregon edhe arsye të tjera pse është kundër tifozëve anglezë.
"Portieri i Danimarkës, Kasper Shmajkel, është bezdisur me një lazer gjatë ekzekutimit të penalltisë që Rahim Sterling e mori duke u hedhur në fushë. Gjithë kësaj i shtohet edhe qëndrimi racist ndaj futbollistëve të tyre pas humbjes në finale. Të dashur anglezë, ishte një sjellje antisportive që nuk duam të shohim më. Më vjen keq për lojtarët, por anglezët e meritojnë këtë traumë pas finales së humbur me penallti".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
