Një 23-vjeçar ka rënë në prangat e policisë së Tiranës dhe tre të tjerë janë vënë nën hetim pasi akuzohen se mashtronin se shisnin karta të klonuara.
Në kuadër të operacionit policor të koduar “X-Card”, është bërë ndalimi i të riut i cili u premtonte, nëpërmjet platformave online, karta të klonuara bankare, në këmbim të vlerave monetare.
Gjithashtu u proceduan penalisht tre të rinj 22 vjeçar, të tre banues në Tiranë.
Nga verifikimet e kryera ka rezultuar, se për një periudhë 1-vjeçare, janë mashtruar në platforma online rreth 100 shtetas te ndryshëm në shtetin shqiptar dhe të vendeve të BE-së, duke ju reklamuar se do ju shisnin karta bankare të klonuara, kundrejt vlerave monetare, të cilat kryheshin me këste.
Shumat e përfituara nga autorët nga kjo veprimtari, arrijnë shifrën e 60 mijë eurove. Vijon puna për dokumentimin dhe identifikimim e personave të tjerë të implikuar në këtë veprimtari kriminale.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
