Gazeta Si – Tre punonjës të një kompanie “Call Centeri” në Tiranë janë arrestuar pasi akuzohen për mashtrim. Policia bën me dije se në kuadër të operacionit policor të koduar “Fraud”, u bë arrestimi në flagrancë i shtetasve Gj.Rr., 27 vjeç, R.M., 30 vjeç, banues në Tiranë dhe G.M., 26 vjeç, banues në Elbasan.
Duke qenë të punësuar në një “Call center” në rrugën “Sulejman Delvina”, ta prezantoheshin si agjentë shitjesh dhe i mashtronin shtetasit e huaj, që të investonin në “Forex”.
Gjatë operacionit të policisë, ta jnë përpjekur të pengojnë agjentët, psi kanë fikur serverin kryesor, me qëllim që të fshihnin të dhënat.
Në vijim të operacionit, u sekuestruan në cilësinë e provës materiale katër njësi kompjuterike, aparate celulare dhe lista me të dhënat e personave që dyshohen se janë mashtruar nga tre të rinjtë e arrestuar.
Arrestimi i këtyre shtetasve u bë për veprat penale “Mashtrimi”, “Fshehja e të ardhurave” dhe “Veprime që pengojnë zbulimin e së vërtetës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
