Përhapja masive e variantit Delta në Kosovë ka bërë që qeveria të marrë masa të reja anti-COVID për të ndaluar përhapjen e Covid-19.
Duke filluar nga data 20 gusht, klubet e natës do të mbyllen për t’iu rikthyer punës sërish nga data 1 shtator.
Në mbledhjen e mbajtur nga ministri i Shëndetësisë Arben Vitia me përfaqësues të Odës së Hotelerisë dhe Turizmit, është vendosur që nga data 20 gusht restorantet e kafenetë do të mbyllen që në orën 22:30.
Në restorante do të lejohet vetëm futja me certifikatë vaksinimi, pra qytetarët duhet të vërtetojnë që janë vaksinuar ndaj COVID-19 ose të tregojnë një test PCR negativ ndaj koronavirusit.
Në lidhje me organizimin e dasmave është vendosur se kapaciteti i pjesëmarrësve do të reduktohet nga 300 në 150 persona, ndërsa nuk do të lejohen pas orës 22:30.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
