Gazeta Si – U largua pas 16 vitesh nga Reali. Një lamtumirë mes lotësh për brazilianin Marselo, i cili mund të zgjedhë për të ardhmen si lojtar i lirë. Një ofertë konkrete për brazilianin ka ardhur së fundi nga Milani.
Ish-lojtarit të Realit i është propozuar një kontratë me 3 milionë euro neto në sezon. Një shifër që për momentin nuk duket bindëse për mbrojtësin e majtë. Në Madrid ai fitonte dyfishin.
E përditshmja spanjolle “As” shkruan se Milani mund të bëjë ndonjë lëvizje tjetër. Marselo kërkohet edhe nga Olimpiku i Marsejës dhe kuqezinjtë duhet të fitojnë konkurrencën.
Marselo është një nga lojtarët me më shumë trofe të fituar në karrierë. Me Realin, e vetmi klub për të në Europë, ka fituar gjithçka.
Me përvojën e tij të gjatë, futbollisti 34-vjeçar mund t’u shërbejë edhe klubeve të mëdha. Milani po e sheh me seriozitet pistën e brazilianit dhe në vazhdim mund të propozojë një ofertë më të lartë. Marselo mund të kalojë në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
