.png)
Marrëveshja për Presidentin e ri, sipas së cilës deri në raundin e tretë duhet të jetë opozita ajo që të propozojë emrin e Presidentit është konsideruar nga Sali Berisha si një farsë që po e zhvillon Rama.
Berisha ftoi demokratët që të votojnë të lirë në 22 maj për kreun e PD, me qëllim që të bëhet diferencimi mes dy proceseve.
Për Sali Berishën, Presidenti meriton të zgjidhet jo me një farsë por me një procedurë dinjitoze sic e përcakton kushtetuta e vendit.
“Ju ftoj të merrni pjesë në procesin e votimit për kryetar të PD, të votoni të lirë në ndërgjegjen tuaj. Të votoni për të bërë kontrastin më të madh midis procesit tuaj, burra dhe gra, djem dhe vajzave me ideale të larta fisnike dhe farsës së turpshme që po zhvillon Rama me opozitën farse për zgjedhjen e presidentit të ri. Ai duhet të jetë një njeri i nderuar dhe meriton të zgjidhet jo me një farsë por me një procedurë dinjitoze sic e përcakton kushtetuta e vendit”, tha Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
