Gazeta Si – Sulmuesi anësor Markos Asensio nuk ka në plan të rinovojë dhe largimi i tij nga Reali duket i sigurt. Lojtari i lançuar në ekipin e parë nga Zinedin Zidan pëlqehet nga shumë klube të mëdha të Europë, por kuptohet që vendos ana financiare.
Mançester Junajtid po lëviz seriozisht për spanjollin. Klubi anglez ka përgatitur ofertën për Realin e Madridit dhe për lojtarin që në qershor të 2023-shit del i lirë. Sipas ‘Sport’, madrilenët janë të predispozuar për ta shitur sulmuesin që në janar.
Për Asension ka pasur më parë interesim edhe nga Milani, që gjithsesi e ka të vështirë të përballojë kostot e këtij transferimi. Tregu i lakmuar për futbollistët e njohur mbetet Premier Liga, klubet e së cilës vazhdojnë të bëjnë ligjin në aspektin financiar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
