.png)
Nga Gazeta Si – Shanci i parë për titull kampion do të jetë në Japon pas betejës që numrat #93 dhe #72 zhvilluan në “San Marino GP”.
Pas një presioni konstant nga Marco Bezzecchi (Aprilia Racing) në pjesën e dytë të garës, Marc Marquez (Ducati Lenovo Team) pa që mundësitë për titullin e rradhës të jenë më afër.
Numri #93 arriti një fitore mbresëlënëse në Misano. Kjo do të thotë që Marquez mund të kurorëzohet Kampion i Botës në MotoGP nëse fiton në “Japanese GP”.
I vetmi pilot që mund ta pengojë është Alex Marquez (BK8 Gresini Racing MotoGP) që u rendit në vendin e 3 në Misano.
Pas këtij suksesi, Marquez vendos një rekord për pikët në një sezon duke mbërritur në kuotën e 512 të tillave. Franco Morbidelli (Pertamina Enduro VR46 Racing Team) mundi shokun e skuadrës, Fabio Di Giannantonio dhe dy pilotët e VR46 u renditën në vendet 4 dhe 5.
Debutuesi Fermin Aldeguer (BK8 Gresini Racing MotoGP) u largua nga Misano me një vend të 6 përpara Luca Marini-t (Honda HRC Castrol) në të 7.
Italiani e kaloi finishin përpara Quartararo-s, Miguel Oliveira-s (Prima Pramac Yamaha MotoGP) dhe Binder.
Jug-afrikani kompletoi “top 10”. Raul Fernandez (Trackhouse MotoGP Team) zuri vendin e 11, Jack Miller (Prima Pramac Yamaha MotoGP) të 12 përpara Kampionit në fuqi, Martin në të 13.
Augusto Fernandez (Yamaha Factory Racing Team) me “V4-Powered YZR-M1” mbërriti i 14 përpara tailandezit Somkiat Chantra (IDEMITSU Honda LCR) në të 15.
Tani është e konfirmuar. Në Motegi, Marc Marquez do të ketë mundësinë e parë për kthimin në majën e Botës.
A do t’ja dalë numri #93 të kurorëzohet sërish Kampion Bote në Japoni? Nuk do të na duhet të presim gjatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
