.png)
Ish piloti i Formula 1, Marc Gene beson se Ferrari ka krijuar formacionin më të fortë në historinë e sportit me çiftin e vitit 2025, Lewis Hamilton dhe Charles Leclerc që po punojnë sëbashku dhe motivojnë njëri-tjetrin. 7 herë Kampioni i Botës, anglezi Hamilton kompletoi transferimin nga Mercedes te “Scuderia” për të garuar përkrah fituesit të disa garave, “djalit” të shtëpisë Charles Leclerc.
Mgjs rezultatet kanë qënë me ulje-ngritjet e njohura, ambasadori i Ferrari-t, Gene sheh zhvillime pozitive pas kuintave për potencialin dhe përmirësimet e paketës së makinës SF-25. Krahasuar me periudhat e Leclerc përkrah Carlos Sainz dhe 4 herë Kampionit të Botës, Sebastian Vettel, Gene e sheh Charles në kulmin e karrierës së tij. Në vazhdim Gene vlerësoi si emocional largimin e spanjollit Sainz për ti bërë vend Hamilton në bordin e Ferrari-t.
“Scuderia” është në vendin e 4 të klasifikimit të konstruktorëve pas 5 garave të para, në kuotën e 78 pikëve, 110 më pak se kryesuesit e McLaren. Ndërsa Leclerc është në vendin e 5 të klasifikimit të pilotëve me 47 pikë, përpara Hamilton në të 7 me 31. Drejtuesi i Ferrari-t, Fred Vasseur konfirmoi mëse njëherë se ai është 2000% në mbështetje të Hamilton. Triumfi i britanikut në garën Sprint të Kinës, u pasua nga disa paraqitje zhgënjyese.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
