.png)
Espanyoli ka shënuar fitore me rezultat 2-1 ndaj Mallorcas në kuadër të javës së nëntë në elitën e futbollit spanjoll.
Kjo ishte fitorja e parë për ta pas tri humbjeve radhazi ndërsa tani numërojnë 10 pikë dhe gjenden në pozitën e 12-të në tabelë.
Kontribut tejet të madh në këtë triumf dha mbrojtësi shqiptar Marash Kumbulla, i cili shënoi golin e parë në këtë takim për Espanyolin.
¡GOOOL DE ESPANYOL! 🔵
— DSPORTS (@DSports) October 5, 2024
⚽ Kumbulla conectó de cabeza para marcar el 1-0 sobre Mallorca en #LaLigaEnDSPORTS.#EspanyolMallorca pic.twitter.com/ubuFwCMI3Y
Kumbulla e gjeti rrugën e rrjetës në minutën e 18 duke shënuar për 1-0 pas asistimit të Jofre Carreras.
Për golin dhe paraqitjen e tij fantastike në fazën defensive, Kumbulla u vlerësua me notën 8.4 nga Sofascore.
Përveç golit, Kumbulla pati nëntë spastrime të topit nga zona, dy goditje të bllokuara, dy ndërhyrje dhe pesë duele ajrore të fituara.
24-vjeçari e ka gjetur mjaft mirë veten në Spanjë pas transferimit nga Roma duke qenë titullar në të gjitha ndeshjet deri më tani në La Liga.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
