.png)
Gazeta Si – Gjykata e Lartë ka shpallur listën me 13 kandidatët që do të garojnë për plotësimin e vakancës në Gjykatën Kushtetuese, me mbarimin e mandatit të kryetares, Holta Zaçaj.
Në një njoftim shpërndarë mediave, Gjykata e Lartë shpalli listën e kandidatëve që shfaqën interes për plotësimin e vakancës, pas përfundimit të afatit 30 ditor të pranimit të kërkesave.
Lista është publikuar nga Gjykata e Lartë, e cila hapi procedurën e aplikimit më 11 dhjetor të vitit të kaluar.
Mes emrave që kanë shprehur interes janë ish kreu i KQZ, Denar Biba, Naureda Llagami
Nurihan Meta etj.
Gjykata thotë se “lista publikohet me qëllim që institucionet publike që kanë lidhje me sistemin e drejtësisë, organizata të shoqërisë civile me veprimtari në mbrojtjen e të drejtave të njeriut ose të krijuara për mbrojtjen e interesave të përdoruesve të sistemit të drejtësisë, të mund të paraqesin opinionet e tyre në lidhje me kandidaturat pranë Këshillit të Emërimeve në Drejtësi”.
Sipas ligjeve në fuqi, lista me kandidatë i është dërguar Këshillit të Emërimeve në Drejtësi për vlerësimin e kushteve dhe kritereve të emërimit të gjyqtarit të Gjykatës Kushtetuese nga Gjykata e Lartë.
Për këtë arsye, kryetari i KED, Sokol Sadushi ka thirrur një mbledhje të KED më 15 Janar ku në rendin e ditës do të jetë edhe kjo çështje.
Gjykata Kushtetuese vendosi në dhjetor të vitit të kaluar mbarimin e mandatit të kryetares Zaçaj. Ky vendim i dha fund ngërçit ligjor mes këtij institucioni dhe Gjykatës së Lartë, e cila kishte hapur garën për zëvendësimin e saj.
Pas përfundimit të afatit 30 ditor të pranimit të kërkesave, kandidatët që kanë paraqitur interes për plotësimin e vakancës janë:
1.Alban Toro
2.Alma Faskaj
3.Asim Vokshi
4.Denar Biba
5.Florjan Ballhysa
6.Genta Tafa
7.Irena Nino
8.Klodian Rado
9.Lulzim Hamitaj
10.Naureda Llagami
11.Nurihan Meta
12.Rezana Balla
13.Sinan Tafaj
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
