Në Europë Liverpuli është kampion, por në ishullin britanik mbretërimi i takon Mançester Sitit. Skuadra e Guardiolës mposhti sot në finalen e Superkupës së Anglisë, (Community Shield), Liverpulin vetëm pas gjuajtjes së penalltive.
Kampionët anglez me Rodri në regjinë e mesfushës tentuan t’i bënin një start të mirë këtij sezoni të ri dhe ashtu kanë bërë në fakt. Për Liverpulin e Klop kjo ndeshje u duk sikur erdhi pak para kohe, pasi një pjesë e mirë e lojtarëve ende nuk e kanë marrë veten nga sezoni i gjatë, që për disa ka zgjatur deri në fund të qershorit.
Golit të Sitit në pjesën e parë nga Stërling që dëshmoi edhe dominimin e bluve, Liverpuli iu kundërpërgjigj vetëm në pjesën e dytë. Ishte mbrojtësi Matip që çoi shifrat në barazim dhe më pas u deshën goditjet e penalltive për të përcaktuar fituesin e trofeut të parë sezonal në Angli.
Nga pika e bardhë, lojtarët e Guardiolës ishin kirurgjikal, duke mos gabuar asnjë gjuajtje, dhe i japin mundësinë kështu trajnerit katalanas që të vendosë një rekord personal. Guardiola ia del për herë që të fitojë ka trofe brenda një sezoni në Angli, duke u futur në mesin e trajnerëve që kanë shkruar historinë në futbollin anglez, si Ferguson, Murinjo dhe Venger.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
