Gazeta Si – Sulmuesi i Kombëtares, Rei Manaj, ka bërë debutimin me fanellën e Uatfordit në Championship (Kategoria e dytë angleze). Ai u aktivizua 10 minuta në fundin e ndeshjes së parë të kampionatit ndaj Shefilld Junajtid, ku Uatfordi fitoi 1-0.
Manaj e nisi këtë ndeshje nga stoli dhe hyri në fushë në minutën e 81-të, ku skuadra e tij udhëhiqte 1-0. Menjëherë sulmuesi kuqezi u bë protagonist i një rasti për shënim, por gjuajtja e tij nga jashtë zones u prit nga portieri.
Rei Manaj near of the goal in debut#reimanaj #watford pic.twitter.com/MuHD7c92Yl
— Albania Player in Europe (@AgencyNews27) August 1, 2022
Në ato minuta lojë, Manaj kishte detyrën ta mbante skuadrën përpara dhe ia doli shumë mirë ta bënte këtë gjë. Kampionati ka nisur mirë për Uatfordin, me fitore, ndërsa sulmuesi lushnjar në vazhdim pritet të ketë më shumë minuta dhe pse jo të jetë titullar.
Rei Manaj kaloi këtë verë te Uatfordi, skuadra që që ra nga Premier Liga dhe që kërkon të kthehet menjëherë. Barcelona vendosi për këtë kalim, pas huazimit të lojtarit te Specia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
