.png)
Nga Gazeta ‘Si’- Erling Haaland pritet të përfitojë të paktën 260 milionë paundë pas rinovimit të kontratës për 9.5 vitet e ardhshme. 24 vjeçari norvegjez ka qënë një sensacion në futbollin anglez që nga dita e parë e transferimit 51.2 milionësh nga Borussia Dortmund te Manchester City në vitin 2022. Nën tutelën e Pep Guardiola-s, Haaland ka shënuar 111 gola në 126 ndeshje për blutë, duke fituar dy tituj në Premier League, një në FA Cup dhe një në Champions League – me aspirata për më shumë triumfe në të ardhmen.
Pavarësisht zërave që shpesh e lidhnin me një kalim te Real Madrid, Haaland konfirmoi përkushtimin në veriperëndimin e Anglisë duke firmosur për pothuajse një dekadë, kontratën që do ta mbajë në “Etihad” deri në fundin e sezonit 2033/34. Marrëveshja e re fshin çdo klauzolë shitjeje të mëparshme duke vendosur një të re që hyn në fuqi nga viti 2029. Pritet që Haaland të kalojë nga paga 375.000 paundë në 500.000 paundë në javë, pa përfshirë bonuset. Po të llogariten edhe të drejtat e imazhit, atëherë sulmuesi norvegjez do të kapte nivelet e Kylian Mbappe te Real Madrid (750.000 paundë në javë). Kjo do të thotë që ai mund të arkëtojë 260 milionë paundë bruto. Ndërsa në ditë paga e tij e re do të jetë 71.428 paundë ose 2.976 paundë në orë. Bashkë me francezin Mbappe ai do të jetë lojtari më i paguar në Evropë dhe futbollisti me pagën më të lartë në Premier League.
Ndërsa klauzola e re për shërbimet e tij do të kalojë shifrën e 100 milionë paundëve kur ai të jetë pranë të 30-ve. Sa i përket fiutbollistëve me pagat më të larta në Evropë ata janë si vijon:
500.000 paundë në javë
Erling Haaland (Man City)
400.000 paundë në javë
Kevin De Bruyne (Man City)
350.000 paundë në javë
Mohamed Salah (Liverpool)
Casemiro (Man Utd)
300.000 paundë në javë
Marcus Rashford (Man Utd)
Jack Grealish (Man City)
Bruno Fernandes (Man Utd)
Bernardo Silva (Man City)
280.000 paundë në javë
Kai Havertz (Arsenal)
265.000 paundë në javë
Gabriel Jesus (Arsenal)
Cristiano Ronaldo, Lionel Messi, Neymar dhe Karim Benzema jane disa futbollistë me kontrata më të mëdha. Tre nga katër emrat e mësipërm luajnë në “Saudi Pro League”. Ndërsa Ronaldo po bëhet gati të nënshkruajë një kontratë të re me vlerën e 200 milionë paundëve në vit te Al-Nassr. Futbollistët më paguar në Botë janë si vijon:
3.2 milionë paundë në javë
Cristiano Ronaldo (Al Nasr)
2.65 milionë paundë në javë
Neymar (Al Hilal)
1.6 milionë paundë në javë
Karim Benzema (Al Ittihad)
865.000 paundë në javë
Leo Messi (Inter Miami)
650.000 paundë në javë
Sadio Mane (Al Nasr)
580.000 paundë në javë
Riyad Mahrez (Al Ahli)
500.000 paundë në javë
Erling Haaland (Man City)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
