.png)
Gazeta Si - Një doganier në pikën kufitare të Kakavijës është arrestuar në Gjirokastër, pasi akuzohet se ka lejuar kalimin e disa mallrave kontrabandë, ndër to medikamente, ushqime dhe një sasi nafte
Në flagrancë u kap edhe 50-vjeçari F.G., drejtuesi i një furgoni brenda të cilit u gjetën dhe u sekuestruan mallrat në fjalë, që nuk kishin dokumentacionin përkatës, gjatë një operacioni në aksin rrugor Kakavije-Gjirokastër.
Në vijim të veprimeve u arrestua edhe 39 vjeçari Th. K., me detyrë doganier, pasi dyshohet se ka shpërdoruar detyrën duke favorizuar shtetasin F. G., për të kaluar mallrat, pa kryer veprimet doganore.
Në cilësinë e provës materiale u sekuestruan automjeti, mallrat e kontrabanduara, 3 350 euro dhe 3 aparate celularë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
