Gazeta Si – Dy inspektorë dhe 1 doganier të pikës kufitare të Kapshticës janë vënë në hetim, pasi nga hetimet dhe këqyrja e pamjeve filmike është zbuluar se kanë lejuar lëvizjen e mallrave kontrabandë nëpërmjet ryshfetit.
Ndërkohë që policia e Korçës ka vënë në pranga një 52-vjeçar në lidhje me këtë rast.
Nga veprimet hetimore të kryera dhe këqyrja e pamjeve filmike është provuar se punonjësit e policisë së PKK Kapshticë në bashkëpunim me punonjësit e Doganës, me veprimet dhe mosveprimet e tyre, në kundërshtim me ligjin dhe kundrejt shpërblimeve në para, kanë favorizuar shtetasin e mësipërm në kalimin e mallrave kontrabandë, pa kryer procedurën e zhdoganimit.
Sipas burimeve paraprake, dyshohet se mes mallrave kontrabandë, janë zbuluar edhe bidonë me karburant.
Zyrtarët e shtetit akuzohen për veprat penale “Shpërdorim detyre”, “Korrupsioni pasiv i personave që ushtrojnë funksione publike”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
