Krzysztof Piatek i ka dhënë fund makthit të aventurës së tij te Milan, duke u transferuar në Gjermani. Tashmë pjesë e Hertha Berlin-it, ku do të synojë të ringjallë karrierën, polaku dorëzon në “San Siro” fanellën ikonë, atë me numrin 9.
Ndër vite, te “Djajtë”, atë e kanë mbajtur emra nga më të ndryshëm të futbollit botëror, si Pato, Torres, Higuain dhe Pippo Inzaghi. Por që prej largimit të italianit, numri 9 ka qenë i mallkuar për cilindo lojtar të Milan që e mbante atë.
Kanë qenë në fakt plot 9 lojtarë që kanë mbajtur mbi shpinë numrin 9, por edhe pse mes tyre ka pasur disa sulmues me emër, në total të nëntë kanë shënuar vetëm 44 gola në 9 vite. Lojtari ma i suksesshëm ka qenë Andre Silva, i cili në 40 ndeshje ka shënuar 10 gola. Nga ana tjetër, vetëm Inzaghi në njëmbëdhjetë vitet e tij te Milan ka realizuar 73 gola në 202 ndeshje.
Lojtarwt që kanë dështuar:
2012/13: Pato – 7 ndeshje 2 gola
2013/14: Matri – 18 ndeshje 1 gola
2014/14: Torres – 10 ndeshje 1 gola
2014/15: Destro – 15 ndeshje 3 gola
2015/16: Luiz Adriano – 29 ndeshje 6 gola
2016/17: Lapadula – 29 ndeshje 8 gola
2017/18: Andrè Silva – 40 ndeshje 10 gola
2018/19: Higuain – 22 ndeshje 8 gola
2019/20: Piatek – 20 ndeshje 5 gola
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
