.png)
Gazeta Si – Mariglen Muhametaj, 37-vjeçari që vrau të atin mbrëmjen e të enjtes në fshatin Greshicë të Mallakastrës, duke e goditur atë me sende të forta, është arrestuar mëngjesin e kësaj të premteje.
Autori vuan nga probleme të shëndetit mendor dhe pasi goditi për vdekje babanë e tij, Qemal Muhametajn, 73-vjeç u largua nga vendi i ngjarjes.
Policia e Fierit informon se pas disa orë kërkimesh të pandërprera u bë e mundur kapja dhe arrestimi në flagrancë i tij.
Policia tha se djali ishte me probleme të shëndetit mendor dhe për këtë po kurohej prej kohësh.
Mësohet se ai jetonte i vetëm me nënën dhe babanë e tij, ndërsa e gjithë ngjarja ka ndodhur në oborrin e shtëpisë.
Nga burime paraprake thuhet se at e bir fillimisht kanë debatuar e më pas 30-vjeçari e ka qëlluar të atin 73-vjeç me sende të forta duke e lënë të vdekur në vend.
Kryetari i fshatit Kastriot Hysenaj, tregon se 37- vjeçari megjithese vuante nga probleme te shëndetit mendor, nuk njihej si njeri problematik, ishte njeri i qetë dhe i mbyllur në vetvete.
Ai tregon se 37-vjeçari ishte një person i mbyllur. Kryeplaku pohon se kur ka ardhur në vendngjarje, ka gjetur 73-vjeçarin pa shenja jete, ndërsa djali i tij ishte larguar.
Sipas kryeplakut, autori ishte një person i mbyllur, por nuk kishte krijuar asnjëherë probleme me banorët e zonës.
“Ka qenë i sëmurë çuni, se di a kurohej apo jo. Djali i qetë, nuk e dinim që arrinte në këtë gjendje. Jo jo asnjëherë. Fare as me banorët. Ka i ati 20-30 kokë dhi, rrinte me ato. Herë ai herë i ati. Djalë i mbyllur. Mund të ketë qenë ngjarje e çastit”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
