Gazeta Si – Një lajm interesant vjen nga Anglia. Ish-sulmuesi argjentinas, Maksi Lopez, ka blerë klubin e Birmingam Sitit. Klubi në fjalë i ka kaluar në pronësi ish-lojtarit dhe Pol Riçardson, një biznesmen që zotëron markën ‘Hera Clothing’ dhe ka qenë drejtor i ‘Gymshark.
Pronarët e tinj kanë parakaluar ‘in extremis’ Laurence Basini, pronarin e Uatfordit, të cilit i ishte lënë një limit kohor për të mbyllur operacionin.
Tani Maksi Lopez dhe Riçardson kanë marrë në pronësi Birmingamin. Ata ishin të pranishëm në selinë e klubit, që është brenda stadiumit, më pas do të shkojnë në qendrën stërvitore, ku stërvitet skuadra.
Shifra e blerjes së klubit të njohur anglez nuk është bërë e ditur, por thuhet se shkon në rreth 44 milionë euro.
“Janë paratë tona, – ka thënë Maksi Lopez. – Një projekt i rëndësishëm, për të cilin punoj prej më shumë se një viti. Besojmë se do të bëjmë gjëra të mëdha për ekipin, qytetin dhe tifozët. Kemi plane të rëndësishme”.
Riçardson, partneri i Lopez në masën 50%, ka bërë me dije se për të mbyllur gjithçka me dokumentacionin duhen edhe 2-3 javë. Kërkohet edhe aprovimi i shitjes nga liga. Megjithatë, dyshja tashmë është pronare e klubit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
