Gazeta Si – Kampioni i botës, Maks Vershtapen, ka triumfuar në pistën e Jedah, në garën e dytë të Botërorit 2022. Ka qenë një garë shumë e fortë mes tij dhe Leklerk të Ferrarit, me holandezin që e parakaloi tri xhiro para fundit për t’u ngjitur në shkallën më të lartë të podit.
The points scorers in our second race of 2022 👀#SaudiArabianGP #F1 pic.twitter.com/HNYOi09t76
— Formula 1 (@F1) March 27, 2022
Vershtapen arrin fitoren e parë sezonale në fund të një dueli shumë të luftuar me francezin Sharl Leklerk, duel që zgjati gjatë gjithë garës dhe që kulmoi në 5 xhirot e fundit.
Në xhiron e 47-të nga 50 në total që ka cirkuiti, kampioni në fuqi ia doli ta parakalonte pilotin e Ferrarit, që nuk mundi të replikonte në fund edhe për shkak të flamurit të verdhë.
Karlos Sainz ka kompletuar podin e garës së Arabisë Saudite, duke lënë pas Serxhio Perez, i cili nuk pati shumë fat gjatë ndalesave në bokse. Xhorxh Rasëll i Mercedesit e mbylli garën në vend të 5-të, ndërsa për Hemilton ka ardhur një tjetër zhgënjim me një vend të 10-të.
Pas dy garish, Botërori udhëhiqet nga Leklerk, i cili ka zënë një vend të parë dhe një vend të dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
