Një aksident tragjik është shënuar rreth orës 05:00 të mëngjesit të së mërkurës në Durrës. Një 23-vjeçar, i cili udhëtonte si pasagjer, ka ndërruar jetë si pasojë e përplasjes së makinës me një plep.
Ngjarja e rëndë ka ndodhur në aksin rrugor Plepa-Romanat, ku mjeti tip “Benz” që drejtohej nga një 23-vjeçar tjetër ka humbur kontrollin dhe është përplasur me pemën. Mësohet se drejtuesi i mjetit ndodhet në gjendje të rëndë shëndetësore.
Tashmë grupi hetimor ka nisur punën për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
