.png)
Gazeta Si – Në turiste e huaj humbi jetën dhe dy persona mbetën të plagosur në një aksident rrugor rreth orës 12:00 të mesditës së kësaj të hëne në aksin rrugor Himarë-Borsh, ku u përfshinë një motomjet dhe një automjet.
Sipas policisë, motomjeti që drejtohej nga një austriak, F. P., 63 vjeç, u përplas me një automjet të drejtuar nga shtetasi D. K., 61 vjeç.
Si pasojë e përplasjes, kanë mbetur të plagosur të dy drejtuesit e mjeteve, ndërsa pasagjerja në motomjet, e cila ndodhej me austriakun ka ndërruar jetë si pasojë e plagëve.
“Në vijim të informacionit paraprak të dhënë për aksidentin e ndodhur, në aksin rrugor “Himarë-Borsh”, ju informojmë se, sipas konfirmimit nga personeli mjekësor, si pasojë e dëmtimeve të marra ka ndërruar jetë pasagjerja në motomjetin që drejtohej nga shtetasi austriak F. P.Grupi hetimor, po punon për identifikimin e viktimës dhe zbardhjen e plotë të rrethanave të aksidentit”, njoftoi policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
