.png)
Gazeta Si – Aksident në Divjakë. Gjatë pasdites së sotme një makinë e tipit ‘Fiat Panda’ ka dalë nga rruga dhe ka përfunduar në një kanal vaditës në anë të saj.
Drejtuesi i mjetit, rreth 55 vjeç, është dërguar me urgjencë në spitalin e Lushnjës. Ngjarja ndodhi në aksin Pushimi i Shoferit- Divjakë, në vendin e quajtur pishat e Babunjës.
Banorët e zonës kanë ndihmuar shoferin që të dilte nga mjeti dhe kanë bërë me dije se gjendja e tij shëndetësore nuk është e rëndë. Në këtë aks rrugor ka shumë kthesa dhe ndodhin aksidente. Një vit më parë një i ri humbi jetën, teksa mjeti i tij përfundoi po në kanal.
Policia ka shkuar në vendngjarje dhe po punon për shkakun e aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
